Duodječájáhus “Duodji”

Duodječájáhus “Duodji” čájeha dujiid maid sámi duojárat leat duddjon miehtá Sámi; Norggas, Ruoŧas, Suomas ja Ruoššas. Buot duojit leat ráhkaduvvon maŋimuš jahkeduhátlogu álggus. Barggut speadjalastet regionála/báikkálaš árbevieruid, ja maiddái ovttaskas duojára hápmengiela ja materiálaválljema. 

Duddjomis duojárat ávnnastit lagaš luonddubirrasis ja geavahit muoraid, čorvviid/dávttiid, náhkiid, suonaid, ruohttasiid, ullui, ruovddi, bániid ja nu ain. Lea maiddái dábálaš geavahit sisafievrriduvvon álgoávdnasiid – vuosttažettiin iešguđetlágán metállaid.

Ávkkástallanárvu ja estehtalaš hábmen leamaš árbevirolaččat guovddážis juohke sierra duoji hábmemis. Dát boahtá maiddái ovdan dán čájáhusas, mas juohke duodij lea ráhkaduvvon atnoávdnasin, seammás go duodji ja estehtalaš hábmen lea alla dásis.

Duodječájáhus ođasmahttojuvvui giđđat 2026:is, gos čájehuvvon dujiid sánit leat málejuvvon seaidnái viđa sierra sámegillii čáppa sárgumiiguin. Nuppi beallái seaidnái lea málejuvvon stuorra kárta gosa lea čállohjuvvon dehálaš báikenamat sámegillii.

Várjjat Sámi Musea lea buvttadan čájáhusa.