Savio-musea

Savio-musea lea dáiddamusea mii lea ásahuvvon sámi dáiddárii John Andreas Savioi.

Savio-musea váldoulbmil lea dutkat, dokumenteret, gaskkustit ja seailluhit John A. Savio dáidaga ja eallima. Eará sámi dáidda deattuhuvvo maiddái, earret eará boarráset sámi dáidda, duodji ja visuála ovdanbuktimat, ja maiddái álgoálbmot dáidaga ja -dáiddaduoji referánsabargguide.

Musea lea gaskaboddosaččat Grenselandmuseas Girkonjárggas ja hálddaša dál John A. Savio stuorámus dáiddačoakkáldaga.

Musea fállá viiddis gaskkusteapmi vuođđo- ja joatkkaskuvllaide báikkálaččat ja regionálalaččat, ja ovttasbargá ásahusaiguin, joavkkuiguin ja servviiguin Norgga rájáid siskkobealde ja olggobealde.