Čájáhus

https://luondu.no/index-se.html Neahttačájáhusas oainnát mo báikkit Unjárggas leat čadnon sámi oskui, mytologiijai ja risttalašvuhtii. Mii leat válljen sajiid maid leat registreren kulturmuitun gielddas, ja leat boarrásat go 1917, mii lea sámi kulturmuittuid automáhtalaš ráfáidahttinrádjá.

Neahttačájáhus ovdanbuktá dutkanprošeavtta “Gávttit áiggi čađa”, mii guorahalai gáktegeavaheami rievdadusaid Unjárgga gielddas 1920-2020, ja mo dát rievdadusat čatnasit stuorát servodatrievdademiide nu mo dáruiduhttimii ja sámi ealáskahttimii. Prošeavtta lea ruhtadan Norgga Kulturráđi ovdánahttinprográmma museaid várás. Govat Vuonnamárkanis ja sámi álbmotbeaivvis. nessebykofter.no Youtube-ovdanbuktin prošeavttas: «Gávttit áiggi čađa – gápmagat ja gáktegeavaheapmi Unjárggas 1920-2020» https://youtu.be/ybBE7Gn5aj4  – sámegillii «Gáktegoarrut Unjárggas» https://youtu.be/hBbeiA74z20 – sámegillii

https://nessebymulter.no/ Dajaldat leahkit “Čáppat dego aiddo láddan luomi” leat várra čábbámus sánit muhtin beassá gullat sámegillii. Dat muitala ollu makkár dovddut leat čatnan luopmánii. Luopmánis lea sierra árvu Unjárggas. Luopmánat sáhte vuovdit vai fidnet ruđaid, mii lei vátnivuohta iešbirgejupmenáigge nuppi máilmmesoađi ovdal ja maŋŋá. Otná beaivve luomi ii mearkkáš seamma ollu ruđalaččat, muhto luopmánat váikkuhit mo olbmot láhttejit meahcis. Mii ovdanbuktit mo olbmot otnábeaivve ja ovdalis áigge leat jurddašan luopmániid birra Unjárgga gielddas.

Váldočájáhusas oainnát mo eallindilli lei
Várjjatvuongáttis boarráset geađgeáiggis odnášii.
Čájáhusas leat ea.ea. ávdnasat geađggeáiggis,
hávddiin gávdnon dávvirat ja árbevirolaš mearrásámi
ávdnasat.