Musea birra

Saviomusea ásahii Mátta-Várjjaga gielda 1994:s ja lea 2001 rájes leamášan konsoliderejuvvon ovttadahkan Deanu ja Várjjat Museasiiddas, maid Sámediggi hálddaša.  Saviomusea váldomihttun lea dutkat, gaskkustit, ja seailluhit John Andreas Savio dáidaga ja eallingearddi muitalusa.   Musea čoakkáldaga eaiggáduššá Mátta-Várjjaga gielda ja čoakkáldagas leat John Savio maŋis 904 dáiddabarggu.   2002 rájes lea musea gaskaboddasaččat juogadan lanjaid Grenselandsmuseetiin Girkonjárggas.  Máŋggaid jagiid leat bargan fitnet sierra lanjaid nu ahte Savio dáiddárdoaimma sáhttá seailluhit ja hálddašit boahtteáiggis.