Helja Pasma

Saviomusea čalmmusta Norgga ja Ruošša rádjá ásahuvvama 200 jagi dassái.

Saviomusea /

John Savio 1826

Norgga ja Ruošša rádjá ásahuvvui 200 jagi dassái, ja dan oktavuođas lea Saviomusea guorahallan oasáža John Savio sogas geat elle Mátta-Várjjagis ovdal 1826:is. Dán čájáhusas sáhtat čuovvut oasi Jovn Ánte Savio sogas gitta 1826 rádjái, daiguin dieđuiguin mat bohtet ovdan girjjis “Sør-Varanger slekter” (Mátta-Várjjaga sogat).

Mii sáhttit imaštallat..

Geat sii ledje?

Mainna sii elle?

Makkár lei sin eallin?

Sogat mat bohtet ovdan dán sohkamuoras leat davvisámi sogat geain leat ruohttasat Mátta-Várjjagii nu guhkás maŋás go gávdnojit čálalaš duođaštusat davvisápmelaččain Mátta-Várjjagis. 

Ørnulv Vorren (Vorren 1951) nammada dáid sogaid oassin Varjjat-sápmelaččain geat eai fárren Várnjárgii ja Wessel (1938) fas nammada dáid sogaid Várjjaga badjesápmelažžan.

Gáldu: Schytte Blix, Erik. Sør-Varanger slekter. Norsk folkemuseum, Universitetsforlaget 1979

Loga eambbo dás: Reindrift og nomadisme i Varangertraktene

Saviomusea čalmmusta Norgga ja Ruošša rádjá ásahuvvama 200 jagi dassái. Read More »

Unjár-rovaggutkursa nuoraide Várjjat Sámi Museas

Felles nyheter, Várjjat Sámi Musea /

Háliidat go ráhkadit iežat roavggu sávzzanáhkis? Leat go gaskkal 13 ja 26 jagi? Várjjat Sámi musea doallá nuvttá kurssa nuoraide. Oaččut buot materiálaid maid dárbbašat. Deaivvadit dávjá museas Vuonnabađas dássážii go buohkat leat gárvvistan. Deaivvadanáigi soahpat vai heive buohkaide.

Dieđiheapmi: jorunn.jernsletten@dvmv.no

Unjár-rovaggutkursa nuoraide Várjjat Sámi Museas Read More »

OLGGOS VIIDDIS MÁILBMÁI

Felles nyheter, Saviomusea /

Čájáhuskataloga

Haddi: 329,- ru

Almmuhan: Saviomusea – Saviomuseet ovttasbargan fotodáiddáriin Bente Gevingiin

Duogášsorji / Bakteppe / Backdrop, 2022 (100 x 75 cm) Bente Geving

Čájáhusprošeakta OLGGOS VIIDDIS MÁILBMÁI introdusere ođđa vuolgggasaji ja ođasmahttá John Savio dáiddáreallima gaskkusteami. Bente Gevinga fotografiijaid  leat biddjan oktii muhtin John Savio gráfalaš dáiddabargguiguin, ja nu suokkardallat mo guokte dáiddára gaskkusteaba seamma ášši iešguđetge media bokte, iešguđetge áigodagas. Saviomusea almmuha dál dán čájáhusa kataloga. Katalogas almmuhat čájáhusa govaid ja dáiddahistorihkkár Jan-Erik Lundström lea čállán essaya Hem till konsten – Hemkomst, ursprung och exil i Bente Gevings och John Savios konstnärskap  (sámegillii Ruoktot dáidagii Ruoktotmáhccan, vuolggasadji ja eksiila Bente Gevinga ja John Savio dáidagis)

Čájáhusprošeavtta leat dorjon Bildende Kunstneres Hjelpefond, Fritt ord, Norgga Kulturráđđi, Sámediggi, Kunstsentrene i Norge, Sámi dáiddáriid ja girječálliid buhtadusfoanda.

OLGGOS VIIDDIS MÁILBMÁI Read More »

Ođđa neahttačájáhus “Čáppat dego aiddo láddan luomi”

Várjjat Sámi Musea /

https://nessebymulter.no/
Dajaldat leahkit “Čáppat dego aiddo láddan luomi” leat várra čábbámus sánit muhtin beassá gullat sámegillii. Dat muitala ollu makkár dovddut leat čatnan luopmánii. Luopmánis lea sierra árvu Unjárggas. Luopmánat sáhte vuovdit vai fidnet ruđaid, mii lei vátnivuohta iešbirgejupmenáigge nuppi máilmmesoađi ovdal ja maŋŋá. Otná beaivve luomi ii mearkkáš seamma ollu ruđalaččat, muhto luopmánat váikkuhit mo olbmot láhttejit meahcis. Mii ovdanbuktit mo olbmot otnábeaivve ja ovdalis áigge leat jurddašan luopmániid birra Unjárgga gielddas.

Ođđa neahttačájáhus “Čáppat dego aiddo láddan luomi” Read More »

Viimmat beassat fas lágidit dábálaš Vuonnamárkan!

Felles nyheter, Várjjat Sámi Musea /

Vuonnamárkanat 2022 lágiduvvo lávvardaga 27.b borgemáno Várjjat Sámi Musea šiljus Vuonnabađas. Viimmat beassat fas čađahit márkana nu go ovdal. Lágideaddjit jáhkket 3000-4000 olbmot bohtet galledit márkanbáikki gos gávdnat 70 smávva gávppi. Dáppe sáhttá oastit olu njálgga báikkálaš biepmu, ja maid duoji ja dáidda. Ja jus lea gákti badjelis dán beaivve de beasat leamen mielde gáktevuorbádeamis gos vuoitu lea 10.000.kr. Váldde burssa mielde ja boađe márkanii.
 
Bearjadat- ja lávvardateahket lágiduvvo maiddái sámi musihkkafestivála Eddemannak Vuonnabađas.

Viimmat beassat fas lágidit dábálaš Vuonnamárkan! Read More »