Várjjat sámi musea deavdá 40 ja bovde ávvudanseminárii borgemánu 25. b. 2023, oassálastte ávvudeamis!
Unjárgga gielda mearridii álggahit Várjjat Sámi Musea – Varanger Samiske Museum (VSM) skábmamánus 1982:s ja musea doaibmagođii 1983:s. Visttit ja čoakkáldagat mat ledje leamaš Amtmannsgammen Musea priváhta oamastusas šadde dalle gieldda hálddahusas. 1993:s rabai museavisti Ceavccageađgges ja 1995:s rabai VSM váldovisti Vuonnabađas. 2012 rádjái lei VSM oassi gielddas ja lea dán rájes leamaš oassi vuođđudusas Deanu ja Várjjat Museasiiddas. Seminára šaddá guovttegielat dárogillii ja davvisámegillii dulkoma bokte. Lea nuvttá priváhta olbmuide oassálastit, ja oassálastiide geat ovddastit doaimmahusa/organisašuvnna máksá 400,- ruvnnu.
Dieđiheapmi epostta bokte vsm-info@dvmv.no dahje tlf 41 07 00 50
Prográmma:
8:30 – 9:30: Gáfe
9:30:
- Kultuvrralaš guoimmuheapmi
- Bures boahtin museajođiheaddji Ingvild Marie Bjørnå Pettersen bokte
- Rahpansárdni Unjárgga gieldda sátnejođiheaddji Knut Inge Store bokte
- Sárdni Sámediggeráđđi Maja Kristine Jåma bokte
- Sárdni Fylkkaráđđi Marlene Bråthen bokte
- Sárdni DVM stivrajođiheaddji Solveig Ballo bokte
10:30: Jorunn Eikjok: Váldit ruovttoluotta iežamet historjjá – museasearvi ásaheapmi 1975:s
11:00: Øystein Nilsen: Vuosttaš museajurdagat ja plánat
11:30: Audhild Schanche: Várjjat Siida – máilmmiárbeguovlu Várjjagis
12:00: Borranboddu
13:00: Roger Persson: Čákkalakkis ja máttaráhku goahti – duhkuraddanlatnja museas
13:30: Jan Ingolf Kleppe, seniorráđđeáddi/arkeologa TFFK: Ohcamin árra Várjjatmárkana – ja manin lea dehálaš gávdnat saji
14:00: Gáfe ja gáhku
14:30: Ingvild Marie Bjørnå Pettersen: Bååstede – kulturárbi máhcaheapmi Várjjagii
15:00 Loahpaheapmi kultuvrralaš guoimmuhemiin
